Эрон ТИВ раҳбари АҚШнинг Суриядаги ҳаракатларини истило деб атади

Эрон ТИВ раҳбари Жавод Зарифнинг маълум қилишича, АҚШ Сурияда янги истило тўлқинини бошлади. Бу ҳақда РИА «Новости» хабар қилмоқда.

Унинг сўзларига кўра, Суриядаги вазият ҳамон сиёсий ечимга муҳтож бўлиб турибди. Россия ва Эрон тўрт йилдан бери шунга интилмоқда, дея таъкидлаб ўтган вазир.

«Биз барча халқаро анжуманларда Сурияда фақат сиёсий ечим мумкин эканини маълум қилиб келмоқдамиз. Умид қиламанки, террорчилар йирик мағлубиятга учраганидан сўнг бу ғоя аста-секин тушунилмоқда. Биз бу сиёсий ечимни бошлашимиз лозим, бироқ истилонинг янги тўлқини, хорижий интервенцияни, айниқса АҚШ томонидан кўрмоқдамиз», - дея айтиб ўтди Зариф.

Эслатиб ўтамиз, аввалроқ Исроил бош вазири Бинямин Нетаняҳу Мюнхенда ўтаётган хавфсизлик бўйича конференцияда Исроил ҳарбий ҳаво кучлари томонидан уриб туширилган Эронга тегишли пилотсиз бошқарилувчи учар қурилмани намойиш этар экан, Теҳронни Исроилнинг сабрини синамасликка чақирганди.