ИШИД Кизлярдаги ҳужум учун масъулиятни ўз зиммасига олди

ИШИД Доғистоннинг Кизляр шаҳридаги ибодатхонага ҳужум учун жавобгарликни ўз зиммасига олди. Бу ҳақда Reuters террорчилар назорати остидаги ОАВларга таяниб маълум қилган.

Хабарда таъкидланишича, террорчилар ўз баёнотига далил тақдим этишмаган.

Эслатиб ўтамиз, 18 февраль куни Кизляр шаҳрида ўт очилди. Террорчи тўрт кишини отиб ташлади, жароҳат олган яна бир аёл шифохонада жон берди.

Бундан аввалроқ Доғистондаги ҳуқуқни муҳофаза қилувчи органларидаги манба қотил аввал ҳеч қачон полициянинг нигоҳига тушмаган ва радикал оқимларга алоқадор бўлмагани ҳақида айтгани хабар қилинганди.