Сурияда ИШИД қайта тикланишига оид хавф бор – CNN

ИШИД жангариларини оммавий қўлга олишлар террорчилик ташкилотининг тикланишига олиб келиши мумкин. Бундай хавотирлар юқори мансабли америкалик амалдорлар томонидан билдирилди, деб хабар қилмоқда CNN манбаларга асосан.

Ўз номини ошкор этишни истамаган амалдорнинг эслатишича, ИШИД етакчиси Абу Бакр ал-Бағдодий 2004 йилда Американинг энг йирик лагерларидан бирида сақланган ва ўшанда бошқа маҳкумларни ёллаб, террорчилик тармоғини ярата бошлаган. АҚШ буни пайқамади ва вақтида жавоб бера олмади. «Биз яна шундай хатоларни қилмоқчи эмасмиз», - деди у.

CNN маълумотларига кўра, асир олинган жангарилар «Сурия демократик кучлари» (СДК, SDF) лагерларида сақланмоқда, уларнинг сони минглаб экани айтилмоқда, аксарияти – Сурия фуқаролари. Уларнинг орасида 40 мамлакатдан бўлган 500 га яқин жангари ҳам бор. Бундан ташқари, бир мунча вақт муқаддам ИШИДнинг беш жангариси қочишга муваффақ бўлди, бу хавфсизликни таъминлаш билан боғлиқ муаммолардан дарак беради, деб ёзади Lenta.ru нашри.

Телеканал суҳбатдошининг қайд этишича, Пентагон ва Давлат департаменти хорижлик террорчиларни ўз мамлакатларига юбориш схемасини йўлга қўйишга ҳаракат қилмоқда. Бироқ, баъзи давлатлар бунга қаршилик кўрсатиб, расмий ҳуқуқий асослардан фойдаланмоқда.