Болливуд юлдузи – актриса Шридевининг ўлимига нима сабаб бўлгани айтилди, деб хабар қилмоқда India Today.
Актриса 24 февраль куни 54 ёшида ҳаётдан кўз юмди. У Дубайда бўлган, бу ерга қариндошининг тўйида қатнашиш учун келган.
Ўлим ҳақидаги гувоҳномада кўрсатилган маълумотларга кўра, Шридеви бахтсиз ҳодиса натижасида ҳаётдан кўз юмган – у чўкиб кетган.
Баъзи ОАВнинг аниқлик киритишича, актриса ваннага йиқилиб тушганидан сўнг юраги тўхтаб қолган. Шунингдек иддао этилишича, Шридевининг қонидан алкоголь излари топилган.