Андижонда ногирон аёлни дўппослаган шахс ушланди

Андижон вилоятининг Марҳамат туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 2018 йил 6 февраль куни Марҳамат туманида яшовчи, 2-гуруҳ ногирони бўлган Д.А. исмли аёлнинг уйига номаълум шахс бостириб кириб, юзига қўллари билан уриб, ҳеч нарса ололмай воқеа жойидан яширинган. Натижада Д.А. касалхонага ётқизилган.  

Кўрилган чоралар натижасида ушбу жиноятни Марҳамат тумани Тулга МФЙ Булоқ кўчасида яшовчи, 1987 йилда туғилган У.А. содир этганлиги аниқланиб ушланган.