Испания чемпионатининг 26-турида «Эспаньол» ўз майдонида «Реал»ни енгди — 1:0, ғалаба голи ўйиннинг 93-дақиқасида урилди.
Эътиборли жиҳати, жорий мавсумда «тўтиқушлар» жамоаси Испания Кубоги доирасида «Барселона»ни ҳам енгган (1:0), шунингдек, чемпионат ўйинида «Атлетико»дан устун келган (1:0).
Шу тариқа, «Эспаньол» 1980/81 йилги мавсумдаги натижасини такрорлади, ўша мавсумда ҳам жамоа Испания чемпионати етакчиларининг барчасини мағлубиятга учратганди. Бундан ташқари, 1997/98 йилги мавсумда бу жамоа ушбу 3 жамоага ўз уйида ўтган ўйинларда мағлуб бўлмасликни уддалаган.
Айни вақтда «Эспаньол» Испания чемпионатида 13-ўринда жойлашган.
