Бирмингемда енгил атлетика бўйича ёпиқ иншоотларда ўтаётган жаҳон чемпионатида ушбу спорт тарихида мисли кўрилмаган ҳолат юз берди. Гап шундаки, 400 метрга югуриш бўйича 3-саралаш баҳсида иштирок этган барча спортчилар дисквалификация қилиндилар.
Ушбу баҳсда 5 спортчи иштирок этган. Дастлаб фальстарт учун 2017 йилги жаҳон чемпионатининг бронза медали соҳиби қатарлик Абдуллоҳ Харун четлатилган.
Сўнгра қолган 4 иштирокчи: ямайкалик Стивен Гэйл, латвиялик Аустрис Карпинскис, Багам оролларидан Алонсо Рассел ва Гренададан Бралон Таплин қайта стартга чиқиб, масофани югуриб ўтишган. Бироқ ҳакамлар спринтерларнинг барчасини четлатиш ҳақида қарор чиқарган: улар масофани ўтиш вақтида ўз полосаларидан ташқарига чиқиб кетганлар.
Qatar’s Haroun disqualified in 400m at Indoor Worlds#IAAF #Birmingham #Disqualified #Qatar #Haroun #Taplin #UK #Athletics @IAAFWorldChamps @qatar_olympic @qatarathletics https://t.co/KQ3m8QmKm7 pic.twitter.com/SIjJcnOz60
— Doha Stadium Plus (@Dohastadiumplus) March 2, 2018
Халқаро енгил атлетика федерациялари уюшмаси матбуот хизмати ушбу ҳолатни бундай даражадаги мусобақалар учун мисли кўрилмаган деб атаган.
