Алишер Усмонов Forbes’нинг янги рўйхатида 118-ўринни эгаллади 

Асли келиб чиқиши ўзбекистонлик бўлган россиялик тадбиркор Алишер Усмонов Forbes’нинг янги рўйхатида 118-ўринни эгаллади. Forbes’нинг 2018 йилда дунёдаги энг бой одамлар бўйича рейтинги бугун, 6 март куни эълон қилинди.

Усмоновнинг бойлиги журнал томонидан 12,5 млрд долларга баҳоланди. Россиялик тадбиркорлар ичида Усмонов 10-поғонани эгаллаган.

Россиядаги энг бой тадбиркорга Владимир Лисин 19,1 млрд доллар билан айланди. Иккинчи ўринни «Северсталь» директорлар кенгаши раиси Алексей Мордашов эгаллади ($18,7 млрд). Учинчи поғонадан эса ушбу рейтингнинг ўтган йилги етакчиси Леонид Михельсон 18 млрд долларлик капитал билан жой олди.

Эслатиб ўтамиз, аввалроқ Forbes дунёдаги энг бой одамлар рўйхатини эълон қилганди.