БМТ бош котиби аёлларга ҳокимиятни беришга чақирди

Фото: Reuters

БМТ Бош котиби Антониу Гутерриш Халқаро хотин-қизлар куни муносабати билан аёлларга йўллаган табриги давомида гендер тенглигига эришиш учун аёлларга ҳокимиятни бериш кераклиги ҳақида маълум қилди. Бу ҳақда БМТ Янгиликлар хизмати хабар бермоқда.

«Биз эркаклар етакчилик қилаётган дунёда яшамоқдамиз, унинг маданиятида ҳам эркаклар биринчи позицияларда. Бу ҳукуматлар, давлат органлари ва хусусий сектор, БМТ каби халқаро ташкилотларга ҳам алоқадор. Шу тариқа, гендер тенглигининг асосий масаласи – бу ҳокимият масаласи. Шунинг учун бизнинг энг асосий вазифамиз – аёлларга ҳокимият ва бошқарувни бериш», - дея айтиб ўтди Гутерриш.

Шунингдек унинг таъкидлашича, ташкилот катта раҳбарлар гуруҳида паритетга эришган, энди барча мамлакатларда БМТ бошқарувчилари даражасида шунга интилмоқда.