Жаҳон | 10:59 / 12.03.2018
8708
1 дақиқада ўқилади

Австралиялик пенсионер акулани дўппослади ва ўз ҳаётини сақлаб қолди

Фото: Independent

Австралиялик пенсионер ўзига яқинлашиб келган акулага бир неча марта зарба бериб, ўз ҳаётини қутқариб қолди. Бу ҳақда 9 News хабар бермоқда.

69 ёшли Роб Кроссланднинг сўзларига кўра, сузаётган пайтида акула сузгичини пайқаб қолган, у ўзига яқин жойда айланиб юрган. У сув остига кўзларини очган ҳолда шўнғиган, ҳамда акула ўзига яқинлашганида, бир неча марта унинг бурнига қарата зарба берган.

«Мен тақдирга ишонаман... кимдир мени аниқ омон сақлаб қолди», - дея айтиб ўтди Кроссланд.

Шунингдек унинг таъкидлашича, сузиш учун кийиб олган махсус кийими унга ёрдам берган, у ёрқин пушти рангда бўлган, шу сабабдан ҳам акула уни озиқ сифатида қабул қилмаган.

Отабек Матназаров
Тайёрлаган Отабек Матназаров
Kun.uz янгиликларини Google News'да кузатинг
+ Обуна бўлиш

Мавзуга оид