Малдивда сайёҳ акула ҳужумидан сўнг бир оёғидан айрилди

Испаниялик сайёҳ сувда турган вақтида унга акула ҳужум қилган ва оёғининг тиззасидан пастки қисмини узиб олган. Борҳа зудлик билан шифохонага олиб борилган, унинг шикастланган оёғи кесиб ташланган ва қон қуйилган. Унинг аҳволи оғирлиги айтилмоқда.

Фото: AP

Малдивда испаниялик 31 ёшли Борҳа исмли сайёҳ акула ҳужумидан сўнг оёғидан айрилди, деб ёзмоқда Daily Mail.

Нашр хабарига кўра, у тўйдан сўнг асал ойини ўтказиш учун рафиқаси Анна билан Малдивга келган. Улар сайёҳлар гуруҳи билан сув экскурсиясига чиқишган. Экскурсия доирасида сайёҳларга океанда чўмилиш таклиф қилинган.

Борҳа сувда турган вақтида унга акула ҳужум қилган ва оёғининг тиззасидан пастки қисмини узиб олган. Борҳа зудлик билан шифохонага олиб борилган, унинг шикастланган оёғи кесиб ташланган ва қон қуйилган. Унинг аҳволи оғирлиги айтилмоқда.

Анна сайёҳлик компаниясини судга берган. Аннанинг фикрича, турмуш ўртоғи компания эътиборсизлиги қурбонига айланган.

Экскурсия балиқни қайта ишлаш заводи яқинида ўтказилган ва у ерда кўплаб акулалар сузиб юради. Завод анчадан бери балиқ чиқиндиларини сувга ташламагани боис оч акулалар Борҳага ҳужум қилгани айтилмоқда.