Фото: Sputnik
Тожикистон президенти Имомали Раҳмон бугун Қозоғистонга расмий ташриф билан жўнаб кетди. Остона шаҳрида Тожикистон раҳбари Марказий Осиё давлатлари раҳбарларининг учрашувида ҳам иштирок этади.
Давлат раҳбари матбуот хизматининг хабар беришича, президентга ташриф давомида ташқи ишлар вазири, президентнинг ташқи алоқалар бўйича ёрдамчиси, ички ишлар вазири, соғлиқни сақлаш вазири ва меҳнат вазири ҳам ҳамроҳлик қилади.
Шунингдек, делегация таркибидан Дин ишлари бўйича қўмита, Монополияга қарши хизмат, Давлат инвестиция қўмитаси раҳбарлари ва бошқа мансабдор шахслар жой олган.
