Imomali Rahmon Qozog‘istonga jo‘nab ketdi

Tojikiston prezidenti Imomali Rahmon bugun Qozog‘istonga rasmiy tashrif bilan jo‘nab ketdi. Ostona shahrida Tojikiston rahbari Markaziy Osiyo davlatlari rahbarlarining uchrashuvida ham ishtirok etadi.

Davlat rahbari matbuot xizmatining xabar berishicha, prezidentga tashrif davomida tashqi ishlar vaziri, prezidentning tashqi aloqalar bo‘yicha yordamchisi, ichki ishlar vaziri, sog‘liqni saqlash vaziri va mehnat vaziri ham hamrohlik qiladi.

Shuningdek, delegatsiya tarkibidan Din ishlari bo‘yicha qo‘mita, Monopoliyaga qarshi xizmat, Davlat investitsiya qo‘mitasi rahbarlari va boshqa mansabdor shaxslar joy olgan.