Чинозда пичоқбозлик рўй берди 

Тошкент вилоятининг Чиноз туманида пичоқбозлик рўй берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 13 март куни соат 19.00ларда Баҳор кўчасида яшовчи, 1960 йилда туғилган И.Р. Туркистон кўчасида яшовчи 1981 йилда туғилган Ф.Ш.нинг уйида Баҳор кўчасида яшовчи, 1960 йилда туғилган Н.Н. билан бирга спиртли ичимлик истеъмол қилиб, келиб чиққан ўзаро жанжал оқибатида И.Р. Н.Н.нинг кўкрак қисмига пичоқ билан уриб жароҳат етказган.

Натижада Н.Н. касалхонага ётқизилган. И.Р. қўлга олинган.