ЕИ Лотин Америкаси давлатларига 31 млн евро ажратди

Еврокомиссия Лотин Америкаси ва Кариб ҳавзаси давлатларига 31 млн евро миқдорида инсонпарварлик ёрдами тақдим этилиши ҳақида маълум қилди. Бу ҳақда ЕК хабарида айтилади.

Таъкидланишича, бу ҳақда инсонпарварлик ёрдами ва инқирозли ҳолатларни бошқариш бўйича еврокомиссар Христос Стилианидис Колумбияга ташрифи давомида айтиб ўтган.

«ЕИнинг бугунги кундаги устувор мақсадларидан бири – Лотин Америкасини янада кучлироқ қўллаб-қувватлаш. Бу ерда, Колумбияда, бизнинг молиявий кўмагимиз икки мақсадга эришиш учун хизмат қилиши лозим: мамлакатдаги кўп йиллик можаро сабаб юзага келган гуманитар талафотларни бартараф этиш ҳамда минтақанинг табиий офатларга тайёрлиги даражасини ошириш», - дея айтиб ўтган у.

Стилианидиснинг қайд этишича, Венесуэлада ҳам инқироздан жабр кўрганларни қўллаб-қувватлаш ЕИ устувор вазифаларидан бири саналади.