Россия Скрипалнинг заҳарланишини теракт деб атади

Россия ТИВнинг тарқатмаслик ва қуроллар устидан назорат масалалари бўйича департаменти директори Владимир Ермаков ГРУ собиқ полковниги Сергей Скрипаль ҳамда унинг қизи заҳарланиши бўйича икки тахминни маълум қилди.

«Оддий мантиқ фақат иккита эҳтимолий вариантдан дарак беради – Британия ҳукумати ёки ўз ҳудудидаги шундай терактнинг олдини олишга қодир эмас, ёхуд уларнинг ўзи бевосита ёки билвосита, мен ҳеч кимни ҳеч нарсада айбламаяпман, Россия фуқароси бўлган аёлга ҳужумни уюштирган», - дея айтиб ўтди Ермаков.

Шунингдек унинг таъкидлашича, бундай «авантюра» Россия томони учун қабул қилиб бўлмас ҳолатдир.