Конгрессменларни сотиб олишга уринишда гумонланган Перу президенти истеъфо берди
Перу президенти Педро Пабло Кучински Конгрессга истеъфо бўйича илтимоснома киритди. Бу ҳақда Reuters ҳукуматдаги манбаларига таяниб хабар тарқатди.
Кучински конгрессменларнинг овозларини сотиб олиши билан боғлиқ можаро туфайли истеъфога кетмоқда.
Бунгача Уолл-стритда банкир бўлиб ишлаган 79 ёшли президент 21 март истеъфо бериб бўлгани ҳам айтилмоқда.
Қайд этиш керакки, Кучински апрель ойига АҚШ президенти Дональд Трамп билан учрашув белгилаганди.
Кучински Бразилиянинг Odebrecht номли қурилиш компанияси билан боғлиқ коррупцион можарога аралашгани маълум бўлгач, Перу конгресси президент импичменти бўйича жараён бошлади.
Перуда сиёсий инқироз Кучинскига қарши компроматлар матбуотда эълон қилиниши ортидан жиддийлашди. 20 март куни мухолиф кучлар томонидан эълон қилинган материалга кўра, президент тарафдорлари бўлган парламентарийлар бошқа ҳамкасбларини импичментга қарши овоз беришга ундаган. Бунинг эвазига турли шаклларда пора таклиф этилган.
Мавзуга оид
23:36 / 11.10.2024
Ўрмон ёнғинлари Перу экотизими ва ёввойи табиатини яксон қилмоқда
14:08 / 22.07.2024
«У дарҳол истеъфога чиқиши керак» — Байденнинг қарорига АҚШ ва дунёдаги реакциялар
15:30 / 17.06.2024
Перуда 6 магнитудали зилзила юз берди
18:37 / 14.05.2024