Baidu компанияси Пекинда ҳайдовчисиз машиналарни синовдан ўтказади

Фото: Motor.ru

Google’нинг Хитойдаги муқобили деб аталувчи Baidu технологик компанияси Пекин раҳбариятининг шаҳар атрофида ҳайдовчисиз машиналарни синовдан ўтказишга рухсатини олди. Бундай машиналарга 33 та йўлга чиқишга рухсат берилди. Бу йўлларнинг умумий узунлиги 105 кмни ташкил қилади. Бу ҳақда Business Insider нашри хабар бермоқда.

Baidu ҳайдовчисиз машиналар учун ишлаб чиқаётган қурилмавий-дастурий мажмуа Apollo деб аталади.

Ўтган йил сентябрда Baidu автоном транспорт воситаларини ривожлантириш жамғармасини яратишини маълум қилганди. Унинг ҳажми 1,5 млрд долларни ташкил қилади. Бундан ташқари, яқин 3 йил ичида компания бошқарувчисиз технологиялар билан боғлиқ 100 та лойиҳага маблағлар киритмоқчи.

#Пекин #Baidu #ҳайдовчисиз машиналар