Баҳордаги қиш. Нью-Йорк ва Вашингтон қорга бурканди

Атлантиканинг ғарбий қирғоқларига қор бўронлари ёпирилди. Айни вақтда, баҳорнинг биринчи ойи охирида Вашингтон, Нью-Йорк ва Филадельфия қорга бурканган.

Нью-Йоркда қор қалинлиги 25 сантиметрга чиққан (айрим ҳудудларда 36 сантиметгача). Ҳудудда шамол тезлиги 32 км/cоатга етган. Ҳаво ҳарорати 6 даража атрофида.

Нью-Йоркдаги мактаблар, университетлар ва бошқа давлат муассасалари вақтинчалик ёпилган.

Йилнинг бу вақтида Нью-Йоркда бундай об-ҳаво кўп вақтдан буён илк марта кузатилмоқда.

Шаҳар кўчаларини тозалаш учун бор имкониятлар сафарбар қилинган.

Reuters Нью-Йорк, Филадельфия ва Вашингтондаги қор манзараларини тақдим этди.