Покистон ТИВ: «​Афғонистон ўзгалар учун тўқнашув майдонига айланмасин»​

Покистон Ислом Республикаси Ташқи ишлар вазири Муҳамад Асиф Тошкент шаҳрида ўтказилаётган халқаро анжуман давомида Афғонистонда қуролли тўқнашувлар тўхталиши, хусусан Покистон чегарасига яқин ҳудудда вазиятни юмшатиш зарурлигини билдирди. Бу ҳақда Kun.uz мухбири хабар берди.

«Менинг фикримча, сиёсий маслаҳатлашув ва муроса қилиш - энг яхши натижага эришиш учун йўл очади. Биз барчамиз «​Толибон»​ ҳаракати билан музокарага киришишимиз лозим.

Афғонистонда proxy урушларни бас қилиб, уни ўзгалар учун тўқнашув майдонига айланиб қолмаслиги учун ҳаракат қилишимиз лозим»​, дейди у.