Бугун, 28 март куни "Ҳилол нашр" матбаа-нашриёти дўконларида Мусҳафи шарифнинг савдоси бошланди. Минглаб юртдошларимиз Аллоҳнинг муборак каломини қўлга киритиш илинжида тонг сахарлаб дўконларга келиб навбатда туришибди. Бу ҳақда info.islom.uz хабар бермоқда.
Маълумотларга кўра, Жиззах ва Тошкент вилоятидан бир неча киши кеча кечки соат 11:00да келиб, дўкон атрофида эрталабгача қолишган.
Қуръон каримни 50000 ададда нашр қилишга рухсат олинган. Биринчи босқичда шу ададдан 10000 нусха савдога чиқарилган. Кейинги ойларга қолган адади ҳам нашр қилиниб савдога чиқарилиши айтилмоқда. Келгусида яна ҳам кўп ададда нашр қилиниши режалаштирилган.
