Швеция ҳукумати Қуръонни ёқишни тақиқлаши мумкин
Швеция ҳукумати Қуръон ва бошқа муқаддас китобларни ошкора ёқишни тақиқлаш имкониятини кўриб чиқмоқда. Yeni Şafak нашрининг хабар беришича, швед ҳукумати вазиятни таҳлил қилиб, қонунга ўзгартириш киритиш керак ёки йўқлиги ҳақида якуний қарорга келади.

Фото: Deutsche Welle
Мамлакат Адлия вазири Гуннар Строммернинг сўхларига кўра, Қурбон ҳайити куни масжид олдида Қуръоннинг ошкора ёқилиши сабабли Швеция террорчилар ҳужумининг «бош нишони»га айланиб қолган.
«Биз Швецияда террорчилик жиноятини амалга оширишда гумонланиб ҳибсга олинганларни кўрдик. Германияда ҳам шу контекстда Швецияга қарши террорчилик жиноятларини тайёрлаётганликда гумонланиб, ҳибсга олишлар рўй берди. Шунингдек, биз ўтган ҳафтада амалга оширилган Қуръоннинг ёқилиши ички хавфсизлигимиз учун янгидан янги таҳдидларни вужудга келтирганига амин бўлмоқдамиз», — деган Строммер.
Қайд этиб ўтиш жоизки, Швецияда шу кунларда Қуръон ёқиш акциясини амалга ошириш учун яна иккита ариза топширилган.
Ўтган ҳафтада рўй берган шундай акция мусулмон оламида катта норозиликлар келтириб чиқарган эди.
Швеция ташқи ишлар вазири Тобиас Биллстрём пойтахт Стокҳолмда Қуръоннинг ошкора ёқилиши мамлакат имижига салбий таъсир кўрсатиши мумкинлигини таъкидлаган эди.
Швецияда Қуръоннинг ёқилиши акцияси Европа Иттифоқи ва АҚШ томонидан ҳам қораланган.
«Швецияда Қуръонга нисбатан қабиҳ ҳужум барчамизни ғазаблантирди. Бу исломофобия билан суғорилган, негизи нафрат бўлган жиноятдир. Эркинлик бунақа бўлмайди», — деган Туркия президенти Ражаб Тоййиб Эрдўған.
«Биз халқаро ҳамжамиятга ҳар қандай диний тоқатсизлик ва нафрат пропагандасини аниқ тақиқловчи халқаро ҳуқуқни кечиктирмасдан қўллаш кераклигини доимо эслатиб туришимиз керак», — деган Ислом ҳамкорлиги ташкилоти бош котиби Ҳуссайн Иброҳим Тоҳо.
Ўзбекистон Республикаси президенти Шавкат Мирзиёв ҳам «Ер юзидаги миллионлаб инсонларнинг дин-у диёнати, эзгу ҳиссиётларини ҳақорат қиладиган бундай ҳолатларга асло йўл қўйиб бўлмайди», деб Швецияда Қуръони карим ёқиб юборилганини кескин қоралаган эди.
Тавсия этамиз
Ҳиндистон ва Покистон: кимнинг армияси кучлироқ?
Жаҳон | 19:21 / 09.05.2025
Мафкуралар кураши: 9 май аслида қандай кун?
Ўзбекистон | 14:22 / 09.05.2025
Қатиқ, мураббо ва ядро қуроли. Путин янги филмда нималар деди?
Жаҳон | 21:59 / 06.05.2025
Автомобил импортига экосертификат – утилизацияга қўшимча “бонус”ми?
Ўзбекистон | 20:34 / 06.05.2025
Сўнгги янгиликлар
-
«Пайшанба куни Туркияда кутаман». Зеленский Путинни шахсан учрашишга таклиф қилди
Жаҳон | 22:43 / 11.05.2025
-
Россияда маъмурий жавобгарликка тортилган релокантлар мулкини мусодара қилиш бошланади
Жаҳон | 22:17 / 11.05.2025
-
Хитой Ернинг электромагнит майдонини кузатиш учун 3 та сунъий йўлдошни орбитага учирди
Жаҳон | 21:52 / 11.05.2025
-
«Барса» 7 та гол урилган класикода ғалаба қозониб, амалда чемпионлик масаласини ҳал қилди
Спорт | 21:21 / 11.05.2025
Мавзуга оид

21:20 / 10.05.2025
Швеция электромобилларни қувватлантирадиган йўлларни қуради

22:46 / 03.05.2025
Швеция мигрантларга ватанига қайтиши учун 32 минг евро тўлайди

22:40 / 17.04.2025
Скандинавия музликлари шиддат билан эриётгани маълум қилинди

14:55 / 16.04.2025