Скрипаль иши. Рўйхат кенгайди, Черногория ҳам қўшилди

Фото: Газета.Ru

Черногория россиялик бир дипломатни мамлакатдан чиқариб юбориш ҳақида қарор қабул қилди. Бу Солсберида юз берган ҳодиса туфайли Буюк Британия билан бирдамлик тариқасида амалга оширилади. Бу ҳақда мамлакат ҳукумати расмий сайтида хабар берилган.

Таъкидланишича, дипломат бир ҳафта ичида мамлакатни тарк этишга мажбур.

Аввалроқ Пентагон раҳбари Черногорияни Россияга қаршилик кўрсатаётгани учун мақтаб ўтганди.

Эслатиб ўтамиз, бундан аввал Ирландия Россиядан бўлган бир дипломатни мамлакатдан чиқариб юбориши хабар берилган эди.