Қашқадарёда босқинчилар қўлга олинди

Қашқадарё вилоятининг Қарши туманида 2018 йил 20 март куни 2 нафар номаълум шахслар юзларига ниқоб кийган ҳолда пичоқ билан қуролланиб, Эъзоз кўчасида яшовчи Э.М.нинг уйига бостириб кириб, ўғли Д.А. ва бирга яшовчи жияни Ш.Ё.нинг қўл оёқларини арқон билан боғлаб, юзларига қўллари билан уриб жароҳат етказиб, уйдан пуллари, заргарлик ва бошқа буюмларини олиб воқеа жойидан яширинганлар.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Кўрилган чоралар натижасида ушбу жиноятни Қарши шаҳар “Нефтчи” МФЙ Нефтчи кўчасида яшовчи, 1981 йилда туғилган Ш.Х. ва Қавали маҳалласида яшовчи, муқаддам судланган, 1995 йилда туғилган Л.Ғ. содир этганлиги аниқланиб, қўлга олинган.