Қозоғистоннинг Семей шаҳрида Иртиш дарёсидаги портлатиш ишлари сабабли ўнлаб квартиралар ойналари чил-чил бўлиб, бир неча кишига жароҳат етган.
Маълум қилинишича, портлаш соат 14:47’да амалга оширилган. Бу вақтда кўпчилик ишда бўлган ва шу сабабли жиддий оқибатлардан қочишга муваффақ бўлинган. Бироқ бир неча киши кесик ва тирналиш жароҳатлари олган, кимнидир юраги ёмон бўлиб қолган. Бир бола шифохонага жойлаштирилган.
Яқин атрофдаги уйлар аҳолиси портлашни видеога олган.
Иртишни муздан тозалаш мақсадида портлатиш ишларини олиб борган “Востоквзривпром” корхонасида журналистларга ишлар барча қоидаларга амал қилинган ҳолда ўтказилгани маълум қилинган. Таъкидланишича, Семей акимати портлаш ишларидан хабардор бўлган ва бу ҳақда маҳаллий аҳолини олдиндан огоҳлантириши лозим эди.
