Немис прокуратураси Пучдемонни Испанияга экстрадиция қилиш учун ордер сўради

Фото: Reuters

Германияда Шлезвиг-Гольштейн федерал ери прокуратураси Каталония ҳукумати собиқ раҳбари Карлес Пучдемонни ҳибсга олиш учун ордер берилишини сўради. Бу ҳақда Die Zeit нашри ёзмоқда.

Таъкидланишича, ордер сиёсатчини Испанияга экстрадиция қилиш учун керак бўлади.

Эслатиб ўтамиз, аввалроқ Каталониянинг собиқ раҳбари Карлес Пучдемон ишини кўраётган Шлезвиг немис шаҳри прокуратураси Испаниядан Пучдемоннинг ҳибсга олинишига ордер олганди. “Биз Испания идораларидан унинг ҳибсга олинишига ордер олдик, бизда шунингдек Европа ордери ҳам бор”, деб айтган прокуратура вакили.