Чет эллик наркофуруш қўлга олинди - ИИВ

3 апрель куни Сурхондарё вилоятининг Термиз туманида жиноят фош этилди, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, Ўзбекистон Республикаси ИИВ Жиноят қидирув бош бошқармаси Гиёҳвандлик воситалари билан қонунга ҳилоф равишда муомала қилишга қарши курашиш бошқармаси ва Ўзбекистон Республикаси Давлат хавфсизлиги хизмати Чегара қўшинлари ходимлари билан ҳамкорликда ўтказилган оператив тадбирлар натижасида, Афғонистон Ислом Республикаси фуқароси Фарёб вилояти Маймана шаҳри Новобод қишлоғида яшовчи 1973 йилда туғилган Холмуҳаммад Ғулом ўғли Афғонистон Ислом Республикаси ҳудудидан умумий оғирлиги 29 кг. 29 гр. бўлган “опий” гиёҳвандлик моддасини олиб ўтиб, 7 минг 500 АҚШ долларига сотаётган вақтида ушланган.