Аралаш йўналиш (ММА) бўйича россиялик жангчи Ҳабиб Нурмагомедов енгил вазн тоифасида UFC чемпиони камари учун америкалик Макс Ҳоллоуэйга қарши кечадиган жанг ҳақида ўз фикрларини билдирди.
«Максга мен билан жангга чиқишга рози бўлгани учун раҳмат. У – Конор Макгрекордан фарқли равишда, эркак. Макс учун бу узоқ кеча бўлади. У мени яқинларим кўз ўнгида нокаут қилишга уриниб кўради, бироқ мен октагондаги 25 дақиқани унинг учун жуда қийин вақтга айлантираман», - дея ваъда берди жангчи.
Шунингдек, Нурмагомедов америкалик Тони Фергюсон жангга бир ҳафта қолганида тиззасидан жароҳат олгани туфайли баҳсдан бош тортгач, янги рақибга қандай тайёргарлик кўрганини айтиб берди.
«Мен Тонига бор эътиборни қаратгандим, энди ўзгаришим керак. Максга келадиган бўлсак, у тана массаси бўйича мендан кам эмас, ҳозир эса ҳаттоки йирикроқ. У Жозе Альдо, Энтони Петтис каби кучли жангчиларни таслим этган. Бироқ Максга мен билан тенг баҳс олиб бориш учун 25 йил тайёргарлик талаб этилади».
Нурмагомедов ва Ҳоллоуэй ўртасидаги жанг Нью-Йоркдаги UFC 223 доирасида 7 апрелдан 8 апрелга ўтар тунда бўлиб ўтади.
Эслатиб ўтамиз, аввалроқ Нурмагомедов Фергюсонга вайсамасликни маслаҳат берганди.
