Бектемир туманидаги жанжал пичоқбозлик ва қотиллик билан якунланди

Иллюстратив фото

Тошкент шаҳрининг Бектемир туманида қотиллик юз берди, деб хабар қилмоқда Ўзбекистон Республикаси ИИВ жамоатчилик ва оммавий ахборот воситалари билан алоқалар бошқармаси.

Қайд этилишича, 5 апрель куни соат 17.00ларда, Тошкент вилояти Зангиота тумани А.Темур кўчасида яшовчи, 1951 йилда туғилган О.С. таниши, 1960 йилда туғилган З.Г.нинг уйида у билан бирга яшаган расмий никоҳсиз турмуш ўртоғи, 1957 йилда туғилган Ю.Ш. билан биргаликда спиртли ичимлик истеъмол қилиб, ўрталарида келиб чиққан ўзаро жанжал оқибатида О.С. Ю.Ш.нинг қорнига пичоқ билан уриб жароҳат етказган.

Натижада Ю.Ш. воқеа жойида вафот этган. О.С. қўлга олинган.