Қирғизистон президенти Сооронбай Жээнбеков Абдил Сегизбаевни Қирғизистон Миллий хавфсизлик қўмитаси (ГКНБ) раиси лавозимидан озод этиш тўғрисидаги фармонини имзолади.
24.kg хабарида қайд этилишича, Сегизбаев махсус хизмат раҳбарлигидан истеъфога чиқиш бўйича ариза берган ва унинг истеъфоси қабул қилинган.
Шунингдек, Қирғизистон президенти Сегизбаевнинг ўринбосарларидан бири, Қирғизистон Миллий хавфсизлик қўмитасининг Таҳлил ва прогнозлар хизматлари директори Болот Турарович Суюмбаевни ўз аризасига кўра ишдан бўшатган.
