Мадрид дербисида дуранг. «Барселона» билан орадаги фарқ янада ортди

Мадриднинг «Реал» клуби Испания Примерасининг 31-турида «Атлетико» билан ўйнади. Мадриддаги «Сантьяго Бернабеу» стадионида кечган учрашув 1:1 ҳисобидаги дуранг билан якунланди.

Ўйинда ҳисоб «Реал» ҳужумчиси Криштиану Роналду томонидан 53-дақиқада, ҳужумдаги шериги Гарет Бэйлнинг пасидан кейин очилди. Аммо 4 дақиқа ўтиб Антуан Гризманн ҳисобни тенглаштирди. Ўйинда шу ҳисоб ўзгармай қолди.

Бу натижадан кейин «Атлетико» 68 очко билан турнир жадвалида иккинчи ўринда қолган, «Реал» 64 очкоси билан учинчи ўринда бормоқда. Эндиликда «Атлетико» чемпионат якунига 7 тур қолганида «Барселона»дан 11 очко ортда қолмоқда. «Реал» каталонияликлардан 15 очко ортда қолган. «Валенсия» (62 очко) бугун «Эспаньол»ни мағлуб этса, «Қироллик клуби»ни қувиб ўтиши мумкин.

Испания чемпионати
31-тур
Реал Мадрид – Атлетико 1:1 (0:0, 1:1)
Голлар: 1:0 – 53 Роналду, 1:1 – 57 Гризманн.
Реал Мадрид – Навас, Варан, Марсело, Карвахаль, Рамос, Ковачич (Модрич, 72), Кроос, Асенсио (Иско, 72), Васкес, Бэйл, Роналду (Бензема, 64).
Атлетико – Облак, Савич, Люка Эрнандес, Хуанфран, Годин, Витоло (Корреа, 61), Парти (Гамейро, 82), Сауль, Коке, Гризманн, Диего Коста (Габи, 71).
Огоҳлантиришлар: Кроос (14), Витоло (17), Парти (34), Васкес (88), Люка Эрнандес (89).