Туркия 120 ёшли араканлик қочқин аёлга кўмак кўрсатди 

Бангладешда бошпана топган араканлик мусулмонлар орасида 120 ёшли мьянмалик момо Азима Хотун ҳам бор.

“Анадолу” ахборот агентлиги журналистлари момо билан Туркия ҳукумати ҳузуридаги фавқулодда вазиятлар оқибатларининг олдини олиш ва бартараф этиш бошқармаси ходимлари томонидан “Балукхали” лагерида ташкил этилган дала госпиталида учрашишди.

Аёлнинг қизи Ойшанинг маълум қилишича, улар уйларини 9 ой олдин тарк этиб, Бангладешга 6 кун ичида етиб боришган.

Момонинг ёши кексалиги сабабли у ўзи юра олмаган ва уни икки ўғли бамбукдан ясалган ўриндиқда олиб юришган.

Ойшанинг маълум қилишича, унинг икки укаси Бангладешга келгач ҳалок бўлганлар ва у бир ўзи кекса онасига ғамхўрлик қилмоқда.

Азима момо Туркияга араканлик мусулмонларга кўрсатган кўмаги учун миннатдорлик билдирган.

Айни вақтда Мьянмада 300 мингга яқин мусулмон қолган ва улардан ўн минглаблари Бангладешда бошпана топишга ҳаракат қилмоқда.