Air France Суриядаги вазият сабабли парвозлари йўналишини ўзгартирмоқда

Фото: Flickr / Olivier Cabaret

Франциянинг Air France авиакомпанияси АҚШнинг Сурияга зарба бериши мумкинлиги ортида баъзи парвозлари йўналишини ўзгартирмоқда. Бу ҳақда компания матбуот хизматида маълум қилинган.

Таъкидланишича, бу асосан Байрут ва Тел-Авивга парвозларга тааллуқли бўлади.

Авиакомпания вакилининг таъкидлашиича, компания “одатда халқаро ёки миллий регуляторлар тавсияларига амал қилади”. “Йўловчиларимиз ва экипажларимиз хавфсизлиги биринчи навбатдаги аҳамиятга эга”, деб айтилган компанияда

Европанинг авиация хавфсизлиги агентлиги (EASA) Ўрта ер денгизининг шарқий қисмида яқин 72 соат ичида “ҳарбий акция” эҳтимоли хавфидан хабардор қилган.