Боливияда кондаги портлаш оқибатида 7 киши ҳалок бўлди

Фото: AFP 2018 / AIZAR RALDES

Боливиянинг Оруро департаментидаги конда портлаш юз бериши оқибатида 7 киши ҳалок бўлди ва 15 киши жароҳат олди. Бу ҳақда мамлакат ички ишлар вазири Карлос Ромеро маълум қилди.

“Тонгги соат 4да ишчилар ҳар кунгидек конга киришаётганда 7 киши ҳалок бўлган ва яна 15 киши жароҳат олган”, деб маълум қилган Ромеро.

Портлаш жойида мутахассислар фожиа сабабларини ўрнатиш билан шуғулланмоқда. Жароҳатланганлар шифохоналарга етказилган.