Трамп Россия бўйича яна бир баёнот берди

Evan Vucci/AP

АҚШ президенти Дональд Трамп твиттерда Суриядаги ҳарбий амалиёт бошланиши ҳақида ёзганидан кейин бунга изоҳ бериб ўтди. Унинг айтишича, Россия ҳеч қандай сабабсиз қуролланиш пойгасини бошлаб юборган.

«Россия билан алоқаларимиз ҳар қачонгидан ёмонроқ. Совуқ уруш бунинг сабабларидан бири. Аслида эса бунга ҳеч қандай сабаб йўқ. Россия иқтисодиётини яхшилаши учун биз уларга керакмиз ва бу биз учун жуда осон иш. Барча миллатлар биргаликда ишлашини хоҳлаймиз. Россия, балки қуролланиш пойгасини бас қилармиз?», - дея сўзини якунлаган Трамп.

Бундан аввалроқ у Россияни Сурияга ракеталар учишидан огоҳлантирганди. Трамп бу ҳақда эълон қилар экан, Сурия президенти Башар Асадни ўз одамларини ўлдирган ҳайвон деб атаганди. Унинг айтишича, Россиянинг Асад билан ҳамкорлиги Суриядаги вазиятни кескинлаштирган.

«Россия, тайёрлан». Трамп катта ҳарбий операция бошланаётганидан огоҳлантирди

Тайёрлаган: Азиз Қаршиев

#Дональд Трамп #Сурия

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.