«Барселона» Испания рекордини ўрнатди

«Барселона» Испания чемпионати 32-турида «Валенсия»ни 2:1 ҳисобида мағлуб этди.

Натижада, Каталония клуби чемпионат доирасида қаторасига 39та ўйинни мағлубиятсиз ўтказиб, Испания рекордини ўрнатди, деб ёзади Squawka. 

Қайд қилиш жоизки, «Барселона» жорий мавсумнинг 32та ўйини ва ўтган мавсумнинг сўнгги 7та ўйинида ютқазмаган. 

Олдинги рекорд «Реал Сосьедад» томонидан 1979-1980 йилларда ўрнатилган ва 38 ўйиндан иборат эди.