Англия Чемпионшипининг 43-турида «Фулҳэм» «Брентфорд» билан дуранг ўйнади (1:1) ва бу натижа «Вулверҳэмптон» кейинги мавсумда Премьер-лигада иштирок этишини таъминлади.
Айни вақтда 92 очко жамғариб бўлган «Вулверҳэмптон» турнир жадвалида биринчи ўринда кетмоқда. Кейинги ўринларда «Кардифф Сити» (83) ва «Фулҳэм» (82) жойлашган. Чемпионат якунига яна 4 тур қолган.
Охирги марта «Вулверҳэмптон» Премьер-лигада 2011/12 йилги мавсумда тўп сурганди. 2012/13 йилги мавсум якунида клуб Чемпионшипдан Биринчи лигага ҳам шўнғиганди, аммо бир йил ўтиб жамоа Англия чемпионатининг иккинчи дивизионига қайтди.