Буюк Британия 10 мингдан кўпроқ суриялик қочқинни қабул қилганини маълум қилди

Фото: РИА Новости / Милованов Борис

Буюк Британия айни вақтда 10,5 мингдан кўпроқ суриялик қочқинни қабул қилган. Бу ҳақда Бирлашган Қиролликнинг миграция ишлари вазири Кэролайн Ноукс маълум қилди.

“Мен 2020 йилгача қўйилган вазифани уддалай олишимизга тўлиқ ишонаман”, деб айтган Ноукс Британия парламентидаги чиқишида.

2017 йил декабрь ҳолатига кўра, Буюк Британияда 10 минг 538 суриялик қўним топган.

2015 йилда Британия ҳукумати 2020 йилгача Яқин Шарқ ва Шимолий Африкадан 20 минг қочқинни қабул қилишга ваъда берганди.