Фото: Photolure / Hayk Baghdasaryan / Reuters
Арманистон парламенти депутати, мухолиф «Фуқаролик бурчи» партияси етакчиси Никол Пашинян маълум қилдики, Серж Саргсяннинг бош вазирликка сайланишига қарши ўтказилаётган намойишлар вақтида полиция маҳкамаларига 30 нафар намойишчи олиб кетилган.
«Биздаги маълумотларга кўра, полиция 30 чоғли кишини қўлга олди. Бу ҳеч нарсани ўзгартира олмайди. Биз ўз тактикамизни давом эттирамиз, хаотик ҳаракатланамиз ва кўчаларни тўсамиз»,— дея унинг сўзларини келтирган «Интерфакс» агентлиги.
13 апрель кунидан буён Ереван кўчаларида Никол Пашинян бошчилигида Саргсяннинг бош вазирликка сайланишига қарши намойишлар бўлиб ўтмоқда. Пашинян бутун мамлакатдаги тарафдорларини ўз атрофига йиғишни мақсад қилган.
