Шайхонтоҳур туманида қўшнисини пичоқлаб ўлдирган шахс ушланди

Тошкент шаҳрининг Шайхонтоҳур туманида қотиллик юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 15 апрель куни соат 22.30ларда, Қўрғонча 1-тор кўчасида яшовчи, 1986 й.т Т.В. уйи олдида ўзаро жанжал оқибатида қўшниси, 1991 й.т. О.Х.нинг кўкрак қисмига пичоқ билан уриб жароҳат етказган. 

Натижада О.Х. касалхонага келтирилганида вафот этган. Т.В. қўлга олинган.