Курсилар ишлаб чиқарувчи Aviointeriors италян компанияси самолётларнинг йўловчилар сиғимдорлигини ошириш учун тик турган ҳолда кетишга мўлжалланган ўриндиқлар дизайнини ишлаб чиқди.
Бундай ўриндиқларнинг янги модели Skyrider 2.0 Гамбургда ўтган Aircraft Interiors Expo 2018 анжуманида тақдим қилинди. Компаниянинг таъкидлашича, бундай турдаги ўриндиқлар самолёт салонида ўриндиқлар орасидаги масофани камайтириш ва кўпроқ ўриндиқлар жойлаш мақсадида ихтиро қилинган.
Skyrider’нинг дастлабки дизайни эгарга ўхшаган ва 2010 йилда ўйлаб топилган. Бироқ АҚШнинг фуқаролик авиацияси федерал бошқармаси бу ғояни қабул қилмаган. Бироқ Aviointeriors вакиллари ковбойлар отлари устида ноқулайлик сезмаган ҳолда бир неча соатлаб ўтиришганини таъкидлаб ўтган. Шу тариқа, бундай ўриндиқлар қисқа давом этувчи парвозлар учун жуда мос келади ва авиакомпаниялар даромади ошишига имкон беради.
Skyrider 2.0 ўриндиқларининг ҳар бир қатори ўриндиқлар ўртасидан ўтувчи вертикал устунлар билан маҳкамланган. Бундан ташқари, ўриндиқнинг яхшиланган модели қўшимча юмшоқ қопламага эга.
2017 йил июлда Колумбиянинг VivaColombia бюджет авиакомпанияси самолётларга кўпроқ йўловчиларни жойлаш учун вертикал ўриндиқлар жорий қилиш ҳақидаги фикрни билдирган.
