Ўзбекистонда йил бошидан бери муомаладаги нақд пуллар қанчага камайди? 

Ўзбекистон Республикаси Марказий банки пул агрегатлари динамикаси ҳақида маълумот берди. 

Унга кўра, йил бошидан бери муомаладаги нақд пуллар 1 трлн 200 млрд сўмдан кўпроққа камайган. Айни пайтда миллий валютадаги депозитлар ва кенг маънодаги пул массаси базалари кенгайишда давом этмоқда. 

Қайд этиш жоизки, кенг маънодаги пул массаси ўз ичига муомаладаги нақд пулларни, талаб қилиб олгунча, жамғарма ва муддатли депозитларни, тижорат банклари томонидан чиқарилган миллий валютадаги қимматли қоғозларни (акциялардан ташқари) ҳамда хорижий валютадаги депозитларни олади.