Конфессиялар ишлари бўйича кенгаш кенгайтирилди

Президент 16.04.2018 йилдаги ПҚ–3668-сон «Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита фаолиятини такомиллаштириш чора-тадбирлари тўғрисида»ги қарорни имзолади.

Norma’нинг ёзишича, қўмита ҳузуридаги жамоатчилик-маслаҳат органи ҳисобланган Конфессиялар ишлари бўйича кенгашнинг янгиланган таркиби тасдиқланди (2004 йилда ташкил этилган). Қўмита раиси лавозимига кўра унинг раиси ҳисобланади. Кенгаш аъзолари – мамлакатимизда фаолият юритадиган диний конфессиялар вакиллари сони 9 нафардан 17 нафарга кўпайди.
 
Кенгаш жамоатчилик асосида Қўмита томонидан тасдиқланадиган низом асосида фаолият олиб боради. Унинг асосий вазифаси республика ҳудудлари ва хорижий давлатлардаги диний-ижтимоий жараёнларнинг жорий ҳолатини, шунингдек Марказ томонидан тайёрланган ахборот-таҳлилий материалларнинг тегишли қисмини доимий равишда муҳокама қилиш ва натижасига кўра Қўмитага тавсиялар беришдан иборат.
  
Ҳужжат 18.04.2018 йилда кучга кирди.