Сурияда Чеченистон телерадиокомпанияси журналисти отиб ўлдирилди

Фото: Reuters /Omar Sanadiki

Дамашқда Чеченистоннинг «Грозний» телерадиокомпанияси штатдан ташқари мухбири Ихаб Балан ҳалок бўлди. Бу ҳақда Чеченистон раҳбари Рамзон Қодиров «ВКонтакте»даги саҳифасида хабар берган.

«Дамашқдан қайғули хабар келди. Дамашқда жума намозидан олдин «Грозний» телерадиокомпаниясининг Сурия Араб Республикасидаги штатдан ташқари мухбири, Сурия фуқароси Ихаб Балан отиб ўлдирилди», - дея ёзган Қодиров.

Чеченистон раҳбари «Грозний» ижодий жамоаси ва ҳалок бўлган журналистнинг яқинлари ҳамда дўстларига таъзия билдирган.

Унинг сўзларига кўра, Ихаб Баланнинг оиласига моддий ёрдам ва қўллаб-қувватлов тақдим этилади.