«Манчестер Сити» Англия Премьер-лигасининг 35-турида «Суонси Сити»ни йирик ҳисобда мағлуб этди. Манчестердаги «Этиҳад — Сити оф Манчестер» стадионида кечган учрашув майдон эгаларининг 5:0 ҳисобидаги ғалабаси билан якунланди.
Ўйинда ҳисоб 12-дақиқадаёқ Давид Сильва томонидан очилди, бўлим давомида Раҳим Стерлинг «Манчестер Сити» устунлигини оширди. Иккинчи бўлимда Кевин Де Брюйне, Бернарду Силва ва Габриэл Жезус биттадан гол уришди.
Эндиликда муддатидан аввал АПЛ чемпионлигини ҳал қилган «Манчестер Сити» очколари сонини 90тага етказди, «Суонси Сити» 33 очко билан – 17-ўринда жойлашган.
Англия чемпионати
35-тур
Манчестер Сити – Суонси 5:0 (2:0, 3:0)
Голлар: 1:0 – 12 Сильва, 2:0 – 16 Стерлинг, 3:0 – 54 де Брюйне, 4:0 – 64 Бернарду Силва, 5:0 – 88 Габриэл Жезус.
Манчестер Сити – Эдерсон, Лапорт, Компани, Данило, Делф (Менди, 75), Сильва, Гюндоган, Стерлинг (Фоден, 71), де Брюйне (Туре, 65), Бернарду Силва, Габриэл Жезус.
Суонси – Фабианьски, Фернандес (Бартли, 67), Моусон, Ольссон (Абрахам, 75), ван дер Хорн, Кэрролл, Кинг, Айю, Ки Сон Ен (Клукас, 65), Нотон, Айю.
Огоҳлантиришлар: Ольссон (40).
