Европа Эрон билан ядро келишувини сақлаб қолиш йўлини топди

Эрон билан ядровий келишувда иштирок этаётган Европа давлатлари шундай шартларни ишлаб чиқишдики, бунда АҚШ келишувни тарк этмайди. Бу ҳақда Suddeutche Zeitung хабар қилмоқда.

Нашр маълумотларига кўра, Буюк Британия, Германия ва Франция АҚШ билан келишув борасида келишиб олди. Қўшма Штатлар президенти Дональд Трамп, кутилишича, Эронга қарши навбатдаги санкциялар жорий этишни тўхтатиб туради. Ядровий келишув катта ўзгаришга юз тутмайди, бироқ унинг алоҳида қисмлари ўзгартирилади.

Шунингдек таъкидланишича, АҚШ томонидан янги санкциялар жорий этиладиган бўлса, «олтилик»даги Европа мамлакатлари Вашингтон сиёсатини қоралаб чиқади.

Эслатиб ўтамиз, аввалроқ Эрон президенти Ҳасан Руҳоний миллий атом агентлигида, агарда АҚШ ядро келишувини тарк этадиган бўлса, «кутилган ва кутилмаган» реакция вариантлари борлиги ҳақида маълум қилганди.