Арманистонда ҳукмрон коалиция таркибига кирувчи "Дашнакцутюн" парламент фракцияси депутати Сурен Манукян Никол Пашиняннинг мамлакатда ҳокимиятни ўзгартиришга интилаётган мухолифат ҳаракатига қўшилмоқда.
"Мен парламент депутати сифатида четда тура олмайман ва халқ ҳаракатига қўшиламан. Бу менинг шахсий қарорим", - дея ёзган Манукян Facebook’да. "Дашнакцутюн" фракцияси ҳозирча депутатнинг қарорига изоҳ бермади.
Мухолифат етакчиси Никол Пашинян ("Елк" фракциясидан депутат) бир палатали парламентнинг 105 депутатидан 53 нафари номзоди учун овоз берса, Арманистон бош вазирига айланади. Пашиняннинг тарафдорлари 40 парламентарий қўллаб-қувватловини олиб бўлди. Агарда Манукян Пашинян номзодига ўз овозини берса, унга яна 12та овоз талаб этилади.
Эслатиб ўтамиз, аввалроқ Арманистонда мухолифат сайловларда қандай шартда иштирок этишини маълум қилганди.
