Фото: Getty Images
Чемпионлар Лигаси 2017/18 мавсумида жамоалар жуда кўп гол урмоқдалар.
Шу пайтгача ўтказилган 121та ўйинда дарвозаларга 384та тўп киритилган. Ўртача ҳисобда бир ўйинга 3,17 голдан тўғри келмоқда, бу мусобақа тарихидаги рекорд натижадир. Агар қолган барча ўйинларда гол урилмаса ҳам, рекорд натижа барибир пасаймайди. Аввалги рекорд ўтган мавсумда ўрнатилган бўлиб, 3,04 голга тенг эди.
Энг кўп гол - 449та, 2000/01 мавсумида урилган бўлиб, ўртача сермаҳсуллик – 2,86га тенг эди. Бироқ, у пайтлари мусобақада иккита гуруҳ босқичи мавжуд бўлиб, ўйинлар сони ҳам кўп эди - 157та.
