УЕФА «Рома»га қандай жазо бериши маълум
Европа футбол ассоциациялари иттифоқи (УЕФА) Италиянинг «Рома» клубини ташкилот доирасидаги бир ёки иккита ўйинни мухлисларсиз ўтказиши билан жазолайди. Бу Чемпионлар лигасининг «Ливерпуль»га қарши кечган биринчи ўйинидан (2:5) аввал италиялик ишқибозлар томонидан содир этилган хатти-ҳаракатлар туфайли юз беради.
Gazzetta dello Sport маълумотига кўра, римликлар икки ишқибоз, 21 ёшли Филиппо Ломбарди ва 29 ёшли Даниэль Шушо, англияликлар мухлиси, 53 ёшли Шон Коксга ҳужум қилгани учун жазоланади. Кокс шифохонага ётқизилди ва айни дамда сунъий кома ҳолатига туширилган. Шифокорлар унинг аҳволини ўта оғир деб баҳолашмоқда.
«Рома» секторлар ёпилишидан ташқари, жаримага ҳам тортилиши мумкин. Бироқ бундай қарорга тўқнашув баҳс бошланишидан аввал стадион ташқарисида юз бергани халақит беради.
Шунингдек, УЕФА вакиллари, Италия полицияси ходимлари ва икки клуб аъзолари ўртасидаги учрашув ҳақида хабар қилинган. Унда жавоб ўйини кунида қўлланилиши мумкин бўлган хавфсизлик чоралари муҳокама қилинади.
Римда бўлиб ўтадиган жавоб баҳси 2 майга белгиланган.
Мавзуга оид
22:57 / 04.10.2024
Элдор Шомуродов «Рома» билан янги шартнома имзолайди – Романо
14:42 / 22.12.2023
«Қонуний кузир». Суперлига машмашаларининг навбатдаги босқичи ҳақида
23:25 / 21.12.2023
Суд ФИФА ва УЕФАнинг Суперлигани ўтказишга қўйган тақиқини бекор қилди
10:58 / 09.10.2023