АҚШда яна икки ўзбекистонлик боксчи рингга чиқади

Хуршидбек Норматов ваБаҳодир Жалолов/Фото: KUN.UZ

Профессионал боксда фаолиятини давом эттиришга қарор қилган Баҳодир Жалоловнинг дебют жанги муддати ва рақиби аниқ бўлди. Бу ҳақда жанг ташкилотчилари манбаси KUN.UZ‘га маълум қилган.

Унга кўра, 5 май куни АҚШнинг Коннектикут штатидаги Foxwoods Resort Casino саройида Баҳодир Жалолов ўзининг профессионал рингдаги илк жангини ўтказади. Унинг рақиби мексикалик Уго Трухильо бўлади. Мексикалик боксчи шу кунга қадар 5та жанг ўтказиб, уларнинг 4тасида ғалаба қозонган (2 нокаут) битта жанг дуранг натижа билан тугаган.

Шунингдек, ушбу кечадан ўрин олган яна бир жангда ўзбекистонлик бошқа бир боксчи, ўрта вазнда (72,58 кг.гача) рингга чиқадиган Хуршидбек Норматов (5 жанг, 5 ғалаба, 2 нокаут) ҳам ўзининг профессионал боксдаги 6-жангини ўтказади. Хуршиднинг рақиби колумбиялик Рональд Монтес бўлади. Роналд шу кунга қадар профессионал боксда 26 жанг ўтказган бўлиб, 18 марта ғалаба (16 нокаут) қозонган ва 8 марта мағлуб бўлган.